Hinabang gipanghatud sa mga mosque sa DavNor

Date:

Share post:

DAVAO CITY — Personal nga gipanghatud ni Davao del Norte Governor Edwin Jubahib ang
mga food packs sa mga mosque sa lain-laing lugar sa probinsiya aron makatabang sa mga
kaigsoonang Muslim nga apektado sa coronavirus disease (Covid-19) pandemic.

Sumalani Jubahib, walay gipili ang iyang adinistrasyon sa paghatag og ayuda tungod kay tanan apektado sa coronavirus pandemic.

“Wala tay gipili, tungod kay kuarta kini sa katawhan, natural lang nga sila ang makabenepisyo,” saysay ni Jubahib.

Bisan pa man nga nag-obserbar ang mga Muslim sa Ramadan, kinahanglan nila ug pagkaon matag adlaw labi na sa mga buntis, mga may edad, may sakit ug mga bata, saysay sa Gobernador.

Gihatdan og pagkaon ug ubang pang ayuda ang 24 ka mosque sa Panabo City niadtong Biyernes, Mayo 8, ug sa 18 ka mosque sa lungsod sa Carmen, Dujali, ug Sto. Tomas pagka sunod adlaw.

Ang kada mosque gihatdan og tagsa ka sakong bugas, duha ka sakong harina, napulo ka kilo nga asukal, ug mga kape.

Ang mga kadagkuan sa mga Muslim community, nga kasamtangang nagsaulog sa ilang
Ramadan, nagpaabot sa ilang dakong pasalamat kang Gov. Jubahib.

“Ako lang ipaabot kang Gob ang pagpasalamat namo sa among purok kay karong panahona hasta gyud kapait. Kay ang kahumok sa iyang kasingkasing miabot gyud
ang hinabang, daghan kaayong salamat Governor Jubahib,” sulti ni Allan Saronay Malawani sa Purok Islam, Gredu, Panabo City.

Sa iyang bahin, si Ricardo Macla, lider sa laing Muslim community, nag-ingon nga bisan ginagmay nga hinabang, dako na kaayo kining tabang alang kanila.

“Dakong pasalamat nako ana kay Gob. Hasta ning akong mga sakop nga katawhan dako kaayong tabang ni. Bisag gamay ra dako na kaayo na’g ikatabang sa katawhan. Kabalo ko nga si Gob di gyud na mobiya sa katawhan, motabang gyud na. Siyempre, dakong
pasalamat, dinagkong pasalamat uban sa among katawhan diri. Salamat kaayo,” ingon ni Macla.

Niadtong Mayo 4, nanghatag usab ang gobernador ug tag-duha ka sakong bugas sa matag parokya sa simbahang Katoliko didto sa ikaduhang distrito sa lalawigan.

Ang pagpanghatod sa mga hinabang ngadto sa mga mosque gipangunahan nila ni Indigenous Peoples Mandatory Representative ug ex-officio Provincial Board Member Ariel Macla ug ni Norlyn Oring, ang executive assistant sa gobernador. (LBG)

RIZAL MEMORIAL COLLEGEspot_img

Related articles

Trump-Xi Embrace: What Their APEC Meeting Means for Asia and the Philippines

Behind the handshake is a struggle over trade, technology, investment, and who will shape the Asia-Pacific economy. DAVAO CITY...

School Principal Gunned down on his way to school in Maguindanao del Sur

DAVAO CITY (November 19) --Dr. Dionel Villabito Mahusay, Ed.D., was supposed to be heading to school Wednesday morning....

Magic Comb nga hinimo sa Chinese Scientist 100% nga makapatubo og buhok subay sa pagtoun sa mga ilaga

Dakbayan sa Davao ( Nobiembre 19) -- Duna pay dakong posibilidad nga ang kapin 1.5 bilyon ka mga...

No Pax Silica Signing during Trump’s Philippine visit; Protesters Reject Initiative

DAVAO CITY (November 18) --President Ferdinand “Bongbong” Marcos Jr. and US Ambassador to the Philippines Lee Lipton have...