DAKBAYAN SA DAVAO, Pilipinas-— Dili magpanuko ang Department of Justice sap ag imbistiga sa usa ka hues huwes sa Pasay City tungod sa mga alegasyong nagdawat kini og suborno.
Sumala ni Justice Secretary Jesus Crispin Remulla walay ‘santohon’ ang iyang buhatan sa ilang pakigbatok sa korapsyon, kini taliwala sa taho nga si Pasay City Judge Branch 108 Presiding Judge Albart Cansico nalambigit sa P6 milyones nga kasong pagpanuhol ug gitakdang ipailawom sa preliminary investigation.
Mibuhi si Remulla sa iyang pahayag human masikop si Pasay City Regional Trial Court Branch 108 Clerk of Court Mariejoy Lagman sa entrapment operation niadtong miaging semana sa mga ahente sa National Bureau of Investigation.
Si Lagman ug Branch 108 Presiding Judge Albert Cansino gipahamtangan og preventive suspension sa Korte Suprema tungod sa giingong pagkalambigit nila sa kasong bribery kabahin sa kasong sibil nga gidumala sa korte.
Ang DOJ niingon nga si Cansino imbitahon alang sa preliminary investigation sa mga prosecutors sa gobyerno tungod kay ang iyang ngalan gilakip sa NBI sa reklamo ug ang mga kasamtangang detalye dili pa paigo ug kompleto hinungdan nag kinahanglanon ang preliminary investigation.
Sumala ni Remulla, isip sumbanan sa katarungan ug hustisya kinahanglan kuno nga huptan sa mga hurado ang integridad sa sulod ug bisan sa gawas sa korte.
Ang DOJ nirekomendar sa pagpasaka og direct bribery, ingon man paglapas sa Republic Act No. 3019 o ang Anti-Graft ad Corrupt Practices Act ug Republic Act No. 6713 o ang Code of Conduct and Ethical Standards for Public Officials and Employees nga mga kaso batok sa Lagman.
