DAKBAYAN SA DAVAO — Mikunhod na ang ihap sa mga pamilyang nagpuyo sa kagutom sumala sa survey nga gipahigayon sa Social Weather Station (SWS).
Sa survey nga gihimo niadtong bulan sa Marso, mikunhod na sa 9.8 ka porsyento kon 2.7-milyon ang ihap sa mga gigutom.
Ang ihap, mikunhod kung ikumpara sa 11.8 ka porsyento kon hapit 3 ka milyon ka pamilya niadtong survey Disyembre 2022.
Apan, taas gihapon kuno kini kung ikumpara sa survey nga gihimo niadtong Disyembre 2019 (sa wala pa ang pandemya) kay sa survey migawas nga 8.8 ka porsyento ko 2.1 milyon ka pamilya ang nagpuyo sa kagutom.
Ug sagad sa nakasinati og kagutom gikan sa Mindanao nga dunay 11.7 ka porsyento o dunay 721,000 ka pamilya ang nagpuyo sa kagutom.
Nagsunod sa Mindanao ang Metro Manila nga mitala og 10.7 ka porsyento o 397,000 ka pamilya samtang sa Visayas at 9.7 ka porsyento o 499,000 ka pamilya ug sa Luzon 8.7 ka porsyento o 1.1 milyon ka pamilya.
Ang survey gikalambigitan sa 1,200 ka nga hamtong nga Filipino ug kini gihimo niadtong Marso 26 hangtud 29, 2023.
