DAVAO DE ORO — Usa ka Overseas Filipino Worker (OFW) nga nakatala sa ika-tulong kaso sa Covid 19 ning probinsya, kini basi sa resulta sa swab test nga gihimo niadtong Mayo 20, ang adlaw sa iyang pag-abot, og karong adlawa, Hunyo 3, migawas ang resulta nga kini nagpositibo.
Ang nahisgutang OFW pasahero sa sweeper flight niadtong May 26 ug taga Lungsod sa Nabunturan, Davao de Oro.
Sumala ni Jun Tabas Jr., tigpamaba sa PIATF sa Davao de Oro, nga giplastar na ni Doctor Antonio Bong Ybiernas, ang OFW nga sa kasamtangan anaa kini sulod sa kwarto sa ilang panimalay hugot nga naka quarantine ug ihatud na kini sa Ddoph (Davao de Oro Provincial Hospital) sa dugang medikasyon.
Dugang sa PIATF nga andam na ang kagamitan ug pasilidad sa nahisgutang hospital sa pag dawat sa maong ofw.
Hugot nga nagpahimangno ang PIATF nga dili gyud kita mag kumpyansa sa mga asymptomatic samtang wala pay swab testing nga pagahimuon.
Kung kahinumduman nga gi duso na gayud kini sa PIATF pinaagi ni EOC Manager Dr. Ybiernas nga muagi gayud ug swab testing ang mga na stranded nga mga OFW kinsa mag undergo na sa ilang 14 days isolation sa nagkadaiyang Isolation area sa Barangay.
Giplastar karon sa Lokal nga Panggamhanan sa Ddo ang mga angay nga buhaton sa pag atiman sa maong pasyente apan dili angay mabalaka ug mag panic hinuon mag pundo lamang gayud sa Balay ug sundon ang mando sa Gobyerno.
Nagpangutana ug naglibog ang ubang lokal nga opisyal nganong nakalusot ang mga nagpositibo nga mi-agi man sila ug duha ka RDT test sa Manila ug pag-abot nila sa Davao airport.
Hinoun adunay mga pagduda nga posible na-expose sila sa usa ka Coronavirus positive pagkahuman sa screening sa airport ug posible usab kuno nga adunay mga nagpositibo nakadoul kanila paggawas sa airport ug posible usab kuno nga sa sulod sa sakyanan nga nagsundo kanila, adunay nagpositibo ug asymptomatic lang kini.-Gikan sa taho is Jun Tabas pio/DdO
