DAKBAYAN SA DABAW (May 2) — Hugot nga gisuportahan sa Palasyo ang laraw ni Senador Richard Gordon ang imbistigahan ang kalit nga pagdagsang sa mga langyawng doktor sa nasud, gani ubay ubay kanila walay work permit.
Sumala ni Salvador Panelo, ang tigpamaba ni Presidente Rodrigo Duterte, suportahan sa Palasyo ang maong lakang, aron usab mahibaw-an kung nagkulang na ba ang Pilipinas ug mga doktor.
“Ang daming mga doktor na nagpupunta sa ibang bansa, baka kulang na tayo kaya nakakapasok sila,” matud pa ani Panelo.
Ang lakang ni Gordon, nga imbistigahan, usa ka maayong plano tungod kay mahibaw-an usab ug asa gikan ug nganong nia sila sa nasud.
SI Gordon, ang chairman sa Senate Blue Ribbon committee, nanawagan nga imbistigahan ang pagdaghan sa mga doktor ug sagad mga Pakistani ug Nepalese, unya nanarbaho isip mga consultants, ug labaw sa tanan wala silay mga working permits.
Sumala ni Gordnon, ang pagdagsang sa mga doktor sa nasud, usa ka paglapas sa balaud kon The Medical Act of 1959 (Republic Act 2382) tungod kay ang Pilipinas naay napirmahan ang kasabutan nga mohatag ug mga medical professional sa nasud sa Japan, Spain, ug sa istados Unidos, apil na ang nasud sa ASEAN nga mipirma sa kasabutan.
Ang mga professional nga manarbaho sa nasud, angayan nga mangayo ug permiso gikan sa Professional Regulatory Commission (PRC) aron sila matagaan ug special temporary permit, ihatag lang kini sa mga langyawng professional nga motarbaho dinhi.-Jiann A. Padillo/NewsLine.ph
