DAKBAYAN SA DABAW —Pormal nang giablihan niadtong lunes, October 5, 2020 sa Israeli government ang pinakauna nilang honorary consulate sa Davao City. Usa kini ka oportunidad nga palambuon sa duha ka mga nasud ang bilateral ties nga naka sentro sa Mindanao, diin usa ka negosyanteng pinoy  nga si Jorge Narciso Marquez ang nabutang isip Israeli honorary consul.
Sumala ni Israel Ambassador to the Philippines Rafael Harpaz nga usa kini ka “milestone” o nindot nga oportunidad alang sa duha ka mga nasud nga palambuon ang bilateral ties labi na pag-abot sa development assistance, agriculture, health, innovation, counterterrorism, trade and economy ug uban pa.
Ang pagbisita ni President Rodrigo Duterte sa nasud Israel duha ka tuig na ang milabay, maoy nakapa aghat sa mga negosyante sa Israel nga usa ka maayong lugar ang Pilipinas alang sa pagbubo og negosyo.
“Mindanao being the southernmost island of our country, we have been saying that we have been neglected for a while but now that the President is focusing on Mindanao, hopefully, the businessmen will be coming more often and making bigger investments here through joint venture since we are the fruit-basket of the country,” sumala ni Harpaz.
Nagsulti sab si Harpaz nga nahisgutan na sa duha ka mga nasud ang may kalabutan sa Petroleum Industry. Gani duna nay pipila ang naga explore karon matud pa sa nasud Pilipinas, apil na niini ang usa ka dakung kompanya sa natural gas, ug gani, may napirmahan nang kasabutan.
Kahinumdoman nga niadtong 2018, si President Duterte ug ang Israeli firm Ration Petroleum Ltd mipirma sa Petroleum Service Contract No. 76 diin ang upat ka area sa Eastern Palawan ubos sa Fifth Philippine Energy Contracting Round nga gitugotan ang Israeli company nga e-explore ang area nga 416,000 hectares sa tibuok East Palawan Basin arun makita kung may oil ug gas resources.
Aminado si Harpaz nga ang hisgutanang partnership tali sa nasud Pilipinas ug Israel pila ka tuig na apan himuon nila matud pa ang tanan aron nga madayon na kini.
