DAVAO CITY — Gi-awhag ni Kanhi Health Secretary ug karon Kongresista nga si Janette Garin nga dili usa magsul-ob og panty samtang anaa sila sa sulod balay tungod sa kainit sa panahon karon.
Tungod sa kainit sa panahon daling makaapekto ang kinatawo sa mga babaye ug mataptan og “fungal” inpeksyon.
Si doktora Garin nga karon us ana ka kongresista nagbutyag nga posibleng makasinati og fungal inpeksyon ang babaye ug mas maayo nga dili usa magsul-ob og panty samtang anaa sa balay.
Tungod sa kainit sa panahon, sagad panington ang hita sa babaye ug kini posibleng mamahimong hinungdan sa pagpangatul ug moresulta on ‘fungal inpeksyon ug pagpangatul sa panit,” dugang sa Kongresista.
“Ang fungal infection dili sexually transmitted disease (dili sakit nga makatakod), sagad makasinati og pagpangatul sa balahibo doul sa kinatawo, dili kini angayan kaloton aron dili mosamot ang inpeksyon,” saysay ni Garin.
Sumala ni Garin, mas maayo nga wala panty ug dili usab magpajama samtang natulog.
Nagsilbi si Garon isip health secretary niadtong 2015-2016, niawhag usab sa publiko nga moinom kanunay og tubig aron malikayan ang heat stroke.
Gitambagan usab ni Garin ang katawhan nga magsige og inum og tubig aron mahulipan ang tubig nga nawala sa lawas tungod sa kainit sa panahon ug likayan ang sobrang pagpainit.
