DAKBAYAN SA DABAW –— Patay ang 44 anyos nga si Roel Millomeda taga Purok 5 Isla Verde Brgy 23-C human kining gipusil sa wala pa mailhing suspek alas 3:30 lunes sa hapon, Sept. 7 sa Ponce St., corner Suazo St. Davao City.
Sa initial nga imbestigasyon sa Sta Ana Police Station naglingkod sa iyang tricycle ang biktima sa dihang kalit kining giduol sa suspek ug gipusil.
Sumala ni Lt. Jeffrey Bangcas, “Kanhi barangay pulis sa brgy 23-C ang biktima, ug wala na kini marenew sa barangay, namaligya nalang siyag prutas, grapes, apple, wala pay motibo ug suspek on going pa among investigation.”
Puro sa likod ang igo sa biktima, isa sa ulo ug isa sa lawas niini.
Gidudahang .38 caliber ang gigamit sa suspek sanglit way nakuhang empty shells sa crime scene.-Cheche Diabordo/Newsline.ph
