Kanhi Mayor sa Leyte gi-papriso sa Sandiganbayan tungod sa ilegal nga sabong

DAKBAYAN SA DABAW, Mindanao—- Unom ka tuig nga mabalhog sa prisohan ug pirmamenting diskualipikasyon sa pagpanarbaho sa governo, ang kanhi Mayor sa Leyte tungod sa paghatag niini ug pagtugot sa ilegal nga sabong sa iyang munisipyo.

Gisintensyahan sa Sandiganbayan Kanhi Mayor Charita Chan sa Babatngon, Leyte, tungod sa pagsupak sa mga probisyoon sa Presidential Decree No. 449 (The Cockfighting Law of 1974) and Municipal Ordinance No. 281.

Sumala sa Sandiganbayan, gisupak ni Chan ang balaud sa dihang iyang gitagaan ug permit ang Liga ng mga Barangay sa iyang lungsod aron magpahigayon ug sabong.

Sigun sa balaud, ang sabong puede lang ipahigayon sa adlawng DOmingo, pista opisyal, pista og sa mga panahon nga adunay agricultural, commercial o industrial fairs, carnivals o mga pasundayag sa minisipyo, apan kini dili molapas sa tulo ka adlaw kon adunay kini resolusyon nga nahghatag ug pagtugot..

Samtang gitugot ang ispisyal pribiliheyo sa pagpasi-ugda ug sabong aron lingawon ang mga turista o isip suporta sa usa ka nasyonal nga pagtighum ug salapi nga ihatag sa mga nanginahanglan ug ayuda, ug ang Presidente lang ang puede maghatag sa maong pagtugot.

Apan sa Ordinansa sa Munisipyo sa Leyte, mga Pilipino lang ang naay katungod nga manag-iya, magpasiugda o magpadagan sa maong sabong, apan ipadagan kini sa kooperatiba.

Sa desisyon nga gipakanaug sa Sandiganbayan, gi-klaro niini “Ang pagpasi-ugda ug sabong alang sa Liga ng mga Barangay, wala maapil sa mga probisyon sa balaud ug sa ordinansa, ug ang paghatag sa Mayor’s permit pabor sa Liga, usa ka dakung kalapasan.”

Ang anti-graft law sa nasud naga-ingon, ginadili sa usa ka empleyado o opisyal sa goberno ang paghatag ug permit o pagtugot, pribilihiyo o benispisyo pabor sa mga tawo nga dili angay tagaan sa maong permit ug kini mamahimong ilegal.-Jiann A. Padillo/Newsline.ph