DAKBAYAN SA DABAW — Wala nakapugong ang 6.6 magnitude nga linog sa Kasalang bayan nga gipahigayon didto sa Lungsod sa Mlang, North Cotabato kagahapon sa buntag.
Bisan pa man naglinog sa ilang lugar, nadesisyonan sa Mayor sa Mlang, North Cotabato, nga ipadayon ang dugay ng planong Kasalang Bayan .
Imbis nga sa sulod sa buhatan ni Mayor Rusell Abonado ang seremonyas, gihimo kini sa open ground atubangan sa munisipyo.
Gidayon ang Kasalang bayan, human nagkauyon ang mga kaslunon ug ang buhatan sa Mayor ng ipadayon ang seremonyas bisan pa man nga bag-o palang natay-og ang yuta tungod sa 6.6 magnitude nga linog.
Usa ang lungsod sa Mlang sa naapektuhan sa linog, sanglit doul ra kaayo kini sa Lungsod sa Tulunan nga maoy sentro sa linog kagahapon.
Sa Hulagway nga giapload sa usa ka Chamz Choo Yoo Balabagan, makita ang tulo ka paresan nga kinasal sa atubangan sa Mayor.-Jap
