DAKBAYAN sa DABAW, Mindanao — Gihangyo si Manila International Airport Authority (MIAA) General Manager Ed Monreal ang publiko nga isumbong sa iyang buhatan ug dili sa pisbuk o sa social media, ang mga abuso ug panghitabo lambigit sa mga trabahador sa airport.
Matud pa ni Monreal, angayan nga sa iyang buhatan isumbong ang mga panghitabo ug dili sa pisbuk o sa social media tungod kay ilang responsibilidad nga proteksyonan ang mga pasahero sa eroplano.
“Usahay man gud pataka na lang ug report ng uban, mga mali nga akusasyon batok sa mga tawo o organisasyon,” matud pa ni Monreal.
Si Monreal nagsaysay nga dugay gipakatag sa pisbuk nga video nga mipakita sa usa ka tawo nga nangabri ug bagahe sa airport human diay, didto sa laing nasud nahitabo ang krimen.
“Dapat man gud ato sab huna hunaon nga ug magpataka ta ug post sa pisbuk, maapektuhan ang imahe sa atong nasud, oki ra man ug tinoud pero ang uban man gud wala nahitabo dinhi” midugang si Monreal.
Gi-awhag sab ni Monreal ang publiko nga basahon ang mga kondisyones sa mga eroplano nga nakabutang sa likod sa mga ticket.
Basi sa kondisyones, adunay obligasyon ug responsibilidad ang eroplano sa mga bagahe nga mawala.
Samtang gi-awhag ni Monreal ang katawhan nga moreport sa mga abuso sa airport, wala niya gibutyag kung aduna bay “Help Desk” sa tanang airport sa nasud.-Harold V. Pontongan/Newsline.ph
