DAKBAYAN SA DABAW —Daghan na naglagot ug uban nasuko, samtang ang pipila nagtuo nga gamhanan si Pastor Apollo Carreon Quiboloy, tungod kay matud niya iyang napahunong ang 5.6 magnutide nga linog niadtong Mierkules sa buntag.
Apan, unom (6) ka oras human mimandu si Quiboloy, usa na usab ka 6.5 magnitude nga linog nabati didto sa Tulunan ug uban pang lugar sa North Cotabato, og laing 5.5 magnitude nga linog ang mi-igo sa Tulunan (Huesbes) ug laing 5-5 niadtong Biernes alas 10:33 sa buntag, Nobiembre 1, 2019, nga miigo sa Davao Occidental.
https://www.facebook.com/Djranzshow/videos/425462721679219/
Sa usa ka video nga gipagawas sa Djranzshow alas 2:52 Huebes sa Buntag, gibutyag ni Quiboloy nga tua siya sa iyang lawak sa dihang mitay-og ang palibot ug milihok ang iyang ga “Chandellier”, mao kuno nga iyang gimanduan ang linog “Stop”, ug kuno mihunong kay naminaw kaniya.
Midugang ang pastor “Pasalamat kayo sa akin napa-stop ko ang lindol na yan” ug mitubag ang iyang mga sumusunod og “Amen”, matud niya, kung wala kuno niya napahumong, daghan daw gayud ug maapektuhan.
Niadtong milabayng semana, miingon si Quiboloy nga ang giigosa linog, ang mga lugar nga daghan ug miembro sa Kabus Padatuon (KAPA), sayod ang membro sa Kapa nga dunay bangi tali ni Pastor Joel Apolinario og ni Quiboloy.
Dugay nang gi-akon ni Quiboloy nga siya gamhanan kay tinudlo siya nga anak sa Ginoo, daghan ang mituo apan, mas daghan ang nagyaga-yaga kaniya.
