DAKBAYAN SA DAVAO — Posibleng matagamtaman sa katawhang Filipino ang kagawasan nga dili magka kabahinbahin tungod sa nagkadaiyang panglantaw, matud ni Presidente Rodrigo Duterte kaganina sa kasaulugan sa ika-124 nga anibersaryo sa Proklamasyon sa Philippine Independence.
Sa iyang mensahe, nanawagan ang Presidente sa katawhang Pilipino nga tugotan ang ilang makanunayon nga pag-ila sa padayon nga proseso sa pagtukod sa nasud aron maamguhan ang kagawasan isip nagkahiusang katawhan.
“ Sa atong pagtagamtam sa atong kagawasan puede kitang magdiskusyon sa mga nagkadaiyang panglantaw nga dili kinahanglanb mag-away ug mangasuko aron dili mabahin ang atong nasud,” saysay sa Presidente sa iyang mensahe sa opisyal nga pahayag nga gipagawas sa Palasyon.
Matud ni Duterte, ang diwa sa panaghiusa kinahanglan magpabilin bisan magkalahi ang panglantaw sa mga isyu nga molambigit sa pagmahal sa nasud, usa ka timailhan nga gawasnon ang katawhan.
Iyang gipahinumduman ang katawhang Pilipino nga “Napakita natu sa tibouk kalibutan pipila ka siglo na ang milabay, nga ang panaghiusa sa katawhan nakapukan sa mga langyaw nga misakop sa Pilipinas.”
Gisaysay sa Presidente nga bisan tuod ang dalan nga gilatas sa Pilipinas sa pagkab-ot sa tinuod nga kagawasan dugay ug kapoy, ang mga katigulangan sa nasud milakaw pipila ka milya ug naghimo sa mga nangunang Pilipino sa nagmahal sa demokrasya dinhi sa Asya.
“Samtang nagkuha kita og kusog gikan sa pagkat-on sa atong kagahapon, kinahanglan kitang magpadayon sa pagtuo nga aduna pay kaalam nga makuha gikan sa atong mga pagpili karon, mga desisyon ug mga aksyon aron makahulma kita og mas maayong kaugmaon sa atong katawhan,” matud pa niya,” dugang sa Presidente.
Mihalad og bulak ang Presidente sa monumento ni Bayaning Jose Rizal didto sa Rizal Park, Manila kaganinang buntag.-Newsline
