LUNGSOD SA MIDSAYAP, North Cotabato – – Wala nakalikay sa posas sa tag-iya sa motor nga iyang gikawat ang usa ka kawatan niadtong Lunes sa hapon, Septiembre 9.
Nasakpan mismo ni patrolman Jeric Eduarte nga nagsakay sa iyang motor ang suspek nga nailhang si Wheng Afdal, 35, taga Barangay Dulawan, Datu Piang Maguindanao.
Sumala ni Benito Rotia Jr., hepe sa Midsayap pulis, nakit-an ni Patrolman Eduarte, nga midoul si Afdal sa iyang giparking nga motor mga ala una sa hapon ug iya lang kining gipanid-an
Gamit ang usa ka “master key”, napaandar ni Afdal ang motor sa pulis ug sa dihang molarga na kini aron isibat ang motor, gidoul kini ni Eduarte ug giposasan.
Sa pagrekisa kang Afdal, nakuhaan kini ug kalibre 45 nga pistola ug bala, duha ka plastic ng gidudahang ‘shabu’ ug mga susi sa motor.
Matud ni Riota, migawas sa ilang imbistigasyon nga daghan na ug kaso sa kawat sa motor, nga motumbok kang Afdal isip supetsado, gani adunay mga CCTV footage nga nakit-an ang suspetsado.
Gibalhug sa Midsayap police station si Afdal, ug ag-atubang sa kasong pagpangawat ug illegal possession of firearms.-CACS/NewsLine.ph
