DAKBAYAN SA KIDAPAWAN — Gihimo nang Isolation facility ang Kidapawan City Hospital alang sa coronavuris-19 patients, kini ang temporaryong Treatment and Monitoring Facility ug Step Down Care alang sa mga mild cases.
Ang hospital nga gipadagan sa lokal nga panggamhanan gipaayo sa lungsod human kini naigo sa linog niatong Oktobre 20, 2019 ug sa mga nagsunod pang pagtay-og sa yuta.
Ang bag-o palang gi-ayo nga hospital ug aduna kini 36 ka katre nga gi-andam alang sa covid-19 patients.
Ang matag kuarto adunay Cardiac Monitor, Infusion Pump, Emergency Carts ug uban pang gamit , matag pasyente gahinan ug usa ka lawak.
Gi-andam ang maong pasilidad kong moabot sa ponto nga kulangon na ang kasamtangang isolation facility sa lungsod.
Sa pagkakaron, padayon ang pag-ayo sa hospital aron matagaan na kini ug accreditation sa Department of Health (DOH) .
Ang North Cotabato adunay 12 ka kaso Covid-19, usa niini ang namatay samtang lima na ang nakarecover-Newsline
