DAKBAYAN SA DAVAO –— Nagpatuman og incentive scheme si Police Major Genesis Palmes Oriel ang Acting Chief sa Talomo Police Station 3 sa Davao City alang sa mga pulis sa iyang ginsakopan nga maayo og performance ug daghan ang madakpan.
Karong adlawa, Oktubre 7 gilusad sa Talomo Police Station 3 ang monetary incentive kung asa makadawat og premyo nga cash ang field ug office personnel.
Ang accomplishment sa usa ka pulis wala maglimita sa pagpatuman sa Republic Act 4136 kon ang Traffic Code of the Philippines, Anti-Smoking Ordinance, Liquor Ban, Sobriety ug Rescue of minors apan sa tanan nga aspeto nga trabaho sa usa ka pulis.
Kaganihang buntag, atul sa sinimanang flag raising ceremony sa Talomo Police Station, buena manung nakadawat og premyo si PCpl Alfazer Sali nga nakahimo og 66 apprehensions ikaduhang pwesto si PSSG Sandro Molde nga adunay 44 apprehensions ug ika-3 si PSMS Louie Cuison nga adunay 42 apprehensions diin ang ilang performance base sa usa ka simana nga trabaho gikan Sept. 30 – Oct. 5, 2024.
Gawas sa cash incentives, usa ka sakong bugas ang madawat sa top performer nga pulis sulod sa usa ka bulan niya nga accomplishment.
Tumong ni PMaj Oriel aron madasig ang mga pulis sa ilang pagserbisyo sa mga tawo ug molambo ang performenace ug labaw sa tanan ma-boost ang ilang morale isip usa ka pulis.
“I am certain that this will create big impact to our law enforcement operations. My men are working tirelessly to keep our city safe, and I feel that it’s important to celebrate and recognize with rewards those who exemplify excellence and strong dedication in their work,” matud ni PMaj Genesis Palmes Oriel
Gilauman nga sa bag-ong incentive scheme mas ma-engganyo pa ang mga pulis nga molutos sa mga indibiduwal hilabi na sa mga gipangita sa balaud.
