DAVAO CITY — Gidakop sa mga pulis sa Baliok Police Station 17 ang usa ka laborer dihang nasakpan nga nagtago og gituohang shabu ug .38 revolver atul sa implementasyon sa search warrant bandang alas 11:43 kagabii, Abril 1, 2025.
Ang search warrant implementation gihimo sa Purok 2, Villa Pequeño, Barangay Catalunan Pequeño, Davao City diin giila ang suspetsadong nadakpan nga si alyas “Putot”, 31 anyos ug adunay live-in partner.
Nakuha sa mga pulis ang 10 sachets nga adunay sulod sa gituohang shabu nga mobalor tanan sa 35,304 pesos, .38 revolver nga adunay mga bala.
Mag-atubang ang dinakpan og kasong paglapas sa Comprehensive Dangerous Drugs Act ug Comprehensive Firearms and Ammunition Regulation Act nga pagsupak sa Omnibus Election Code sanglit adunay gipatuman nga gun ban.
Paul Trajera Palacio, a veteran news anchor got his Mass Communication Curriculum from University of Mindanao-Davao Campus.
He is the current News Anchor of Newsline Philippines.
