Lalaki nahulog gikan sa ika-6 nga andana human nagtago kay miabot ang Ex sa iyang uyab nga flight attendant

Date:

Share post:

DAKBAYAN SA DAVAO (Nobiembre 18) – Usa ka 24-anyos nga lalaki ang namatay human nahulog gikan sa balkonahe sa ika-unom nga andana sa usa ka condominium sa distrito sa Chatuchak, Bangkok, sayo niadtong Biyernes (Nobyembre 13). Nahitabo kini human siya nagtago sa gawas sa balkonahe sa lawak sa iyang uyab nga usa ka flight attendant.

Nasayran sa kapulisan nga mitago ang biktima sa balkonahe kay mikalit og abot ang kanhi uyan sa flight attendant.

Sa taho sa kapulisan sa Phahon Yothin Police Station, nadawat nila ang taho mga alas 1:45 sa kadlawon. Ang kapulisan daling miadto sa condominium sa subdistrito sa Lat Yao, uban ang mga forensic officer, usa ka doktor, ug mga rescue worker gikan sa Ruamkatanyu Foundation.

Pag-abot sa lugar, nakita sa mga awtoridad ang patayng lawas sa lalaki nga nag-ubo sa yuta sa ubos sa bilding. Nasuta sa mga imbestigador nga nahulog siya gikan sa ika-unom nga andana, diin nagpuyo ang iyang uyab nga usa ka flight attendant.

Sa pagsusi sa lawak, walay nakitang timailhan sa panag-away o komprontasyon. Hinuon, nadiskobrehan sa kapulisan nga gisi ang wire mesh (lambat nga puthaw) nga gibutang sa balkonahe sa likod direkta gayod sa ibabaw sa nahimutangan sa patayng lawas sa lalaki.

Base sa pamahayag sa babaye ngadto sa kapulisan, gidala niya ang iyang kasamtangang uyab sa iyang condominium niadtong gabhiona.

Wala madugay pagkahuman sa alas 1:00 sa kadlawon, kalit nga miabot ang kanhi uyab sa babaye. Tungod niini, gihangyo sa babaye ang iyang kasamtangang uyab nga magtago sa gawas, diha sa balkonahe.

Gisultihan niya ang mga imbestigador nga naglalis sila sa iyang kanhi uyab, hangtod nga mibiya ra usab kini sa katapusan.

Human sa panaglalis, gisusi niya ang iyang uyab apan wala na kini sa balkonahe. Nakita usab niya nga gisi ang wire mesh.

Mikanaug ang babaye ug didto niya nadiskobrehan ang iyang uyab nga patay na ug naghigda sa yuta sa ubos sa bilding.

Matod sa kapulisan, padayon pa ang imbestigasyon aron masuta ang eksaktong mga panghitabo nga misangpot sa pagkahulog sa lalaki.

Gisulayan sa mga imbestigador nga susihon ang CCTV footage gikan sa gawas sa lawak, apan adunay teknikal nga problema ang surveillance system. Gikontak na ang mga technician sa condominium aron ayuhon ang sistema ug masusi sa mga awtoridad ang mga rekording.

Ang patayng lawas sa lalaki gidala alang sa post-mortem examination (awtopsiya), samtang gipahibalo sa kapulisan ang iyang mga paryente ug nagpadayon ang ilang imbestigasyon sa insidente.-ezc

RIZAL MEMORIAL COLLEGEspot_img

Related articles

Newsline at 10: A decade of stories that matter in Mindanao

DAVAO CITY (November 17) — In a region where distance, conflict, poverty and unequal access to information often determine...

3 ka babaye nag-ilog sa usa ka bana nga miabot sa Bangladesh gikan abroad

DAKBAYAN SA DAVAO ( Nobiembre 17) --Usa ka lalaki nga Bangladeshi giilugan sa tulo ka babaye nga mi-angkon...

Pax Silica, mining face Church-led opposition over land, livelihood threats

Bayombong bishop mobilizes communities against proposed US-backed AI and semiconductor hub, warns of risks to ancestral lands, livelihoods...

Guterres praises BARMM polls, but deadly violence tests peace process

UN chief cites Bangsamoro elections as a model for peace beyond the Philippines, even as four people were...