DAKBAYAN SA DAVAO–– Mamahimo ng molokat ug mag renew sa ilang lisensya aron makamaneho og sakyanan.
Kini ang gibutyag ni Bangsamoro Transportation and Communications Minister Paisalin P. Tago ug unom ka mga miyembro sa 80-seat regional parliamento aron matabangan ang mga drayber sa bangsamoro Region.
Apan, kining tanan, didto sa Bangsamoro Autonomous Regon in Muslim Mindanao (BARMM)
Ang programa naghatag og oportunidad sa mga drayber nga wala pa gihapon nakalukat og lisesnya tungod sa kapit-os.
Sumala ni Tago, duna na silay gigahin nga pondo alang sa programa gikan sa badyet sa Transitional Development Impact Fund sa matag usa sa unom ka mga magbabalaod sa 80-member nga Bangsamoro parliament, Jaafar Apollo Mikhail Matalam, Hashemi Dilangalen, Amilbahar Mawallil , Rasul Ismael, Rasol Mitmug, Jr. ug Khalid Ma-Amor Hadji Abdullah.
Si Tago, kinsa sakop usab sa parliament, niingon nga ang ilang pagproseso sa renewal ug aplikasyon sa bag-ong driver’s license alang sa mga kabus nga residente sa Bangsamoro Autonomous Region in Muslim Mindanao gilusad niadtong Marso 8 pinaagi sa usa ka simple nga rito sa BARMM capitol dinhi.
“Ang proyekto gisuportahan usab sa buhatan sa atong regional chief minister, Ahod Balawag Ebrahim,” matod ni Tago.
Ang BARMM naglangkob sa mga probinsya sa Maguindanao del Sur, Maguindanao del Norte, Lanao del Sur, Basilan, Sulu ug Tawi-Tawi ug ang mga siyudad sa Lamitan, Marawi, ug Cotabato.
“Kini nga programa maayo kaayo alang sa mga drayber nga ubos ang kinitaan sa mga salakyanan nga pasahero, usa ka butang nga una sa Mindanao ug maayo alang sa agenda sa paghatag gahum sa komunidad sa proseso sa kalinaw tali sa nasudnon nga gobyerno ug mga sektor sa Moro sa Mindanao,” ang abogado-negosyante nga si Ronald Hallid Torres, chairman sa Bangsamoro Business Council, miingon.
