DAKBAYAN SA DABAW (Hulyo 21) — Sikop sa kapulisan ang usa ka lider sa teroristang New People’s Army (NPA), didto sa dakbayan sa Dakbayan sa Tagum niadtong Biernes (Hulyo 19).
Sumala ni Major Jason Baria ang tigpamaba sa Police Regional Office-11 (PRO-11), nasikop sa kapulisan si Ronnie Dumasig Campaner, commanding officer sa Guerilla Front 2, sa Habagatang Mindanaw, nga nag atubang ug kasong pagpatay ug dugay nang gipangita sa otoridad.
Si Campaner, 51, molupyo sa Lungsod sa Pantukan, Compostela Valley Province, gi-aresto subay sa warrant of arrest sa kasong murder, didto siya nasikop sa usa ka balay didto sa Barangay East sa Tagum.
Sumala sa opisyal nga rekord sa kapulisan, nakuha sila ug 12-gauge shotgun og 40 rounds nga bala sa lugar nga gitaguan ni Campaner.
Sa pagkakaron, na detiner si Campane sa Tagum Police Station.-jap/NewsLine.ph
