DAKBAYAN SA SUGBU (Nobembre 26) —Sunod-sunod nga patay ng natala sa Sugbo niadtong Domingo, Nov. 26.
Usa ka jail guard sa Cebu Provincial Detention and Rehabilitation Center (CPDRC) ang gipusil patay sayo sa Domingo.
Patay si Jessie Castañares, 33, nga taga E. Sabellano St., Barangay Pardo, Cebu City human gi ambush sa duha ka wa mailhing tawo sa iskina Limkakeng ug Happy Valley Streets sa Barangay Guadalupe.
Si Castañares padulong sa Labangon sakay sa iyang motorsiklo sa dihang gi ambush.
Si Castañares kasamtangang on duty sa oras sa ambush. Siya na assign sulod sa Vicente Sotto Memorial Medical Center (VSMMC), bantay sa usa ka na ospital na piniriso.
Natusak-tusak ang lawas ni Castañares sa samad pinusilan.
Si CPDRC warden Reynaldo Valmoria nagkanayon: “Nahibung gyud ko kay ting-duty man unta na niya nang orasa. Gaunsa man diay na siya didto.”
Si Castañares usa sa 12 ka jail guards ug empleyado nga gisuspenso human sa ilang kalambigitan sa paglusot og mga kontrabando sa prisohan.
Sa laing hitabo, usa ka retired police officer ug ang iyang kuyog ang gipusil, patay atubangan sa uka ka mall sa Talisay City.
Si SPO1 Edgar Causon, taga Talisay, ug SPO4 Ferdinand Navales, puro retirado nag sakay og motorsiklo sa dihang gipusil sila sa wa mailhing mamumuno.
Sa imbestigasyong sa kapulisan posibling personal nga atraso ang motibo sa kamatayon sa duha ka retiradong pulis.
Sa wala pa moretiro sa ilang katungdanan ang duha ka mga pulis pulos nadestino sa Provincial Anti Illegal Drug Special Operation Task Group sa probinsya sa Sugbo. –Paul Allegre/NewsLine
