DAKBAYAN SA DABAW (Abril 8)— Gi aresto ang 32-anyos nga maestro sa usa ka public school dinhi sa dakbayan human mireklamo ang iyang estudyante nga iyang gilugos.
Gi aresto si Donjel Cubero sulod mismo sa Davao City National High School alas 5:30 niadtong Martes sa hapon, April 2. Ug residente sa El Rio Vista Village ning dakbayan.
Bitbit sa mga otoridad ang Warrant of Arrest nga gi issue ni Hon Judge Emmanuel Carpio sa RTC Branch 16 niadtong February 27, 2019.
Sa pakighinabi kangn Station Police Chief Melvin Violan, iyang gibutyag nga “Pagdoul na mu sa iya , sa ilang faculty room, ni–ingon tong yang kauban nga maestro “Mao na jud ning problemaha ang atong gihulat ba.”
Midugang si Violan “Nakabalo sya sa iyang sala, pero wala sya nagdahum nga naa na ang warrant, mikuyog dayon siya sa amo.”
Wanted si Cubero tungod sa kasong pagpanglugos.
Base sa Record sa San Pedro Police Station nahitabo ang pagpanglugos niadtong tuig 2018 human niining gilugos ang iyang 21 anyos nga estudyante sa kolehiyo diin kini nagtudlo isip part time teacher.
Ang suspect tua na karon sa Davao City Jail.-Reeya Nuñez, newsline philippines
