DAKBAYAN SA DAVAO—Sukad karong adlawa, Mierkules, Agosto 3, 2022, Gisuspenso na sa Mainland China nga ilang pagpadala og natural sand sa Taiwan ug dili na usab kini modawat sa mga produktong agrikultura gikan sa, Taiwan.
Kini human mibisita si US House Speaker Nancy Pelosi sa Taiwan kagabii, Agosto 2, 2022.Kini ang gilantaw sa mga eksperto nga pagpanimalos sa China sa pagbisita ni Pelosi sa Taiwan bisan pa man sa pagbabag sa China.Gisuspenso sa Ministry of Commerce sa China ang pagpadala ug pagdawat og natural sand ug ubang produktong agrikultura sa Taiwan
.Gisuspenso usab sa General Administrations of Customs ang pagpasulod og mga citrus fruits, chilled white scallops ug mga frozen mackerel gikan sa Taiwan.
Matud sa China, duna silay nakit-an nga mag pestisidyo sa mga prutas gikan sa Taiwan ug dunay nagpositibo sa coronavirus tests hinungdan nga dili na sila modawat sukad kaganina.
Nagpahibalo usab ang People’s Liberation Army (PLA) ang military sa China –nga maghimo sila og military exercises, apil na na ang joint air ug sea ug drills sugod ugma ugma Huebes hangtud sa Domingo, isip tubag sa pagbisita ni Pelosi.
Nagpasalamat si Taiwanese President Tsai Ing-wen sa pagbisita ni Pelosi sa Taiwan.Ang Taiwan usa ka independenteng nasud, ug matud ni Presidente Tsai, himoun niya ang tanan aron palig-onon ang pagdepensa niini.
Ang panagbingkil tali sa China ug Taiwan nagsugod niadtong Chinese Civil war, ug nadugangan ang tensyon niadtong tuig 2016 sa dihang nagpili og bag-ong presidente ang Taiwan.
Ang pagdumili sa China sa pagdawat sa mga produkto gikan sa Taiwan daku og epekto sa mga mag—uma.
Ang China dugay nang gi-akusahan sa pipila ka nasud sa Asya nga magsige og pangilog ug teritoryo apil na ang kadagatan..
