Malaysian Airline posibleng naapektuhan sa usa ka insidente sa seguridad sa Amadeus

Date:

Share post:

DAKBAYAN SA DAVAO (Nobiembre1) — Nagpahibalo ang Malaysian Airline niadtong Sabado nga  ang pipila ka impormasyon sa ilang mga kustomer posibleng naapektuhan sa usa ka insidente sa cybersecurity nga naglambigit sa Amadeus, ang ilang tighatag sa teknolohiya alang sa pag-reserba.

Ang Amadeus nagahatag og teknolohiya nga gigamit sa mga airline sa pagdumala sa mahinungdanong mga serbisyo alang sa mga pasahero, lakip na ang mga reserbasyon, pag-isyu og tiket, ug check-in.

Sumala sa impormasyon gikan sa kompanya, ang ilang mga plataporma nagsilbi sa kapin sa 400 ka mga airline sa tibuok kalibutan. Tungod niini, ang maong insidente mahimong mas lapad ang epekto kay sa mga airline nga nakumpirma nang naapektuhan; wala pa matino ang kinatibuk-ang gidaghanon sa mga airline ug mga pasahero nga naapil niini.

Ang Malaysian Airline, kuyog ang Cathay Pacific Airways, Japan Airlines, Asiana Airlines sa South Korea, ug uban pang bag-ohay palang nagtaho nga nakompromiso ang ubang detalye sa ilang customer tungod sa insidente sa Amadeus.

Ang nag-unang airline sa Malaysia nagpahayag nga ang insidente mahimong nakaapekto sa impormasyon nga giproseso tali sa Agosto 2023 ug Septyembre karong tuiga.

Matod sa airline, nakig-alayon sila sa Amadeus ug uban pang hingtungdan nga partido aron imbestigahan ang insidente ug susihon ang epekto niini.

Giklaro sa Malaysia Airlines nga ang ilang mga sistema sa IT wala malapas ug walay ebidensya nga adunay naka-access sa pinansyal nga impormasyon.

Giawhag sa airline ang ilang mga kustomer nga magpabiling mabinantayon batok sa mga kadudahan o wala gipangayo nga mga komunikasyon, ilabi na kadtong nangayo og personal o pinansyal nga impormasyon.

Ang Amadeus nagpahibalo nga nasayran nila ang usa ka kahuyang sa sistema nga gigamit sa pagpakita sa mga booking sa biyahe, apan wala sila mitubag sa pangutana kung pila ka kustomer ang naapektuhan.

Ning bag-o pa lang, nagtaho ang Cathay Pacific ug Japan Airlines nga ang  maong insidenta nakaapekto sa  datos nga naglambigit sa 53,000 ka mga booking ug 92,000 ka mga kustomer, matag usa.-Editha Caduaya

RIZAL MEMORIAL COLLEGEspot_img

Related articles

Hangyo sa kampo ni FPRRD : Isalikway sa ICC ang naunang testimonya sa kanhi Davao Pulis

DAKBAYAN SA DAVAO (Nobiembre 21) --Mihangyo sa prosecutor sa International Criminal Court (ICC) ang kampo ni kanhi...

 ABS-CBN, GMA Stop PBB Livestreams Amid Cyberbullying, Malicious Editing

DAVAO CITY (November 21) --ABS-CBN and GMA announced tonight, November 21, that they are stopping all livestreams of...

1,300 Complaints: What’s Happening Inside The PBB House?

DAVAO CITY (November 21) — More than 1,300 complaints had reached the Movie and Television Review and...

Air Niugini Boeing 767 Makes Emergency Landing In Davao; All 146 On Board Safe

DAVAO CITY (November 21) — An international passenger flight bound for Papua New Guinea was forced to...