DAKBAYAN SA DAVAO— Gi-parobahan na sa Kongreso niadtong Lunes, Disyembre 6, ang balaud nga nagmandu nga irehistro na ang Subscriber Identity Module (SIM) cards kon SIM Pack law.
Nakakuha og 181 ka boto ang House Bill 5793 kon “SIM Card Registration Act”, nga gilantaw nga makatabang nga masundan ang mga kriminal ug pasaway sa balaud pinaagi sa ilang post paid o prepaid nga mga SIM cards.
Ubos sa balaud, gimanduan ang tanang public telecommunication entity (PTE) o direct seller nga pangitaan og valid identification card nga adunay hulagway ang mopalit og SIM card.
Gimanduan usab ang mga nakapalit nga isulat ang ilang pangalan sa registration paper nga dunay control number sa telecommunications company o sa direct seller.
Gimanduan usab ang mga naghupot na og SIM pack nga magparehistro.
Ang tanang PTEs gimanduan usab nga isumitor ang ilang mga namalit kon subscribers ug isumitir kini sa Department of Information and Communications Technology (DICT) kada unom ka bulan.
Sa mga nagpanuko, gimandu usab nga itago ug dili ipakita sa uban ang nga inpormasyon sa nakapalit o naggunit sa SIM card, gawas lang kung adunay mandu gikan sa korte o dunay opisyal nga sulat gikan sa usa ka law enforcement agency kabahin sa imbistigasyon nga milambigit sa nahisgutang numero.
Ang dili mosunod sa balaug putlan sa ilang linya aron dili na sila makaserbisyo
