DAKBAYAN SA DABAW (Oktobre 16) — Modagan pagka senador ang napilding Presidential candidate nga si Mar Roxas sa Mayor 9, 2019 mid-term elections.
Sa usa ka video post ni Roxas sa iyang Facebook, siya namulong nga mosakripisyo siya aron ibangon ang nasud sa pagkahugno niini, tungod kuno kay wala natarong ang pagpadagan sa nasud.
Sa susamang video, gibutyag ni Roxas nga ang iyang pagdesisyon, subay sa mulo sa katawhan taas na daw kaayo ang presyo sa mga palaliton, ug kinahanglan na niya molihuk aron luwason ang nasud sa tumang kalisud.
“Kung sa tingin ‘nyo makakatulong pa ako, handa ako. Ino-offer ko muli ang sarili ko sa inyo, at hinihingi ko rin ang tulong ‘nyo dahil ‘di ko kaya ito nang nag-iisa,” matud pa ni Roxas.-Harold V. Pontongan/ NewsLine.ph
