MARINA ug kompanya sa Barko nagtagbo alang sa biaheng Davao-Manila

DAKBAYAN SA DABAW (Oktobre 2) — Nakigtagbo na ang mga opisyal sa Maritime Industry Authority (MARINA) sa mga tag-iya ug pampasaherong barko, aron ipatuman sa kamanduan ni President Rodrigo Duterte nga abrihan pagbalik ang biahemg Davao-Manila.

Matud  Rey Leonardo Guerrero, administrador sa MARINA,  nakigtagbo na siya sa mga kompanya sa barko ug gani, daghan kanila ang andam nga mobalik sa ilang biahe sa kadagatan.

Sa pakighinabi sa membro sa media niadtong Sabado, gibutyag ni Guerero nga ila  ng gi-andam ang mga rekisitos aron masugdan na ang Davao-Manila nga biahe sa barko.

“Hulat lang, Hapit na, abrihan na ug balik ang rota sa barko. Isa na sa mga programa ni Presidente Duterte,” saysay ni Guerrero, atol sa Maritime Industry Forum and National Maritime Week and Maritime and Archipelagic National Awareness Month (MANA MO).

Dugang sa pag-pangandam, matud ni Guerero, mao ang pagpanindot sa pantalan sa barangay Sasa, pinaagi sa Build! Build! Build! nga proyekto sa Presidente.

Gani si Special Assistant to the President Christopher Lawrence “Bong” Go, sa iyang mensahe atol sa selebrasyon, nag-awhag sa mga opisyal sa MARINA  nga paspasan ang pag-abri sa mga rota sa barko aron naay kapilian ang katawhan sa ilang pagbiahe.

Matud ni Go, gusto ni Duterte nga mapadali ang pagbalik sa rotang Davao-Manila aron usab makatabang kini sa pagdala sa mga lagutmon ug mga gulay didto sa kauluhan, kay  mahal na kaayo ang  mga palaliton didto.

PALIHUG BASAHA: barkong-mobiahe-sa-rotang-davao-manila-ipabalik-sa-presidente

Ang pagbalik sa biahe sa barko dili lang makatabang sa mga negosyant, Matud ni Go, apan dakung tabang usab kini sa natad sa turismo ug sa mga mag-uuma.-Harold V. Pontongan/NewsLine.ph