DAKBAYAN SA DABAW (Oktobre 30) — Ang tingog nga nagpaluyo sa kantang May Bukas, si Rico J. Puno, mipanaw na kaganinang kaadlawon, sa edad nga 65.
Si Puno usa sa mga OPM King sa nasud, nahimong konsehal sa unang distrito sa Makati City niadtong 1998 ug magpasubli pa unta sa 2019 eleksyon.
Sumala sa social media post sa iyang bayaw nag si Anna Puno, ang Singer ug Politiko nga si Puno mipahulay na.
Sa iyang post sa instagram, nagbangutuan ang ilang pamilya sa iyang pagpanaw, apan ilang gidawat ang kabubot-on sa Ginoo.
Dugay ng nasakit si Puno ug gani nagbalik-balik na kini sa hospital. Katulo na kini gi-bypass tungod sa iyang sakit sa kasingkasing.
Ang international singer nga si Leah Salonga mipadangat na sa iyang pahasubo sa pamilya ni Puno.
Ang singer nga si ZsaZsa Padilla, nagbutyag nga siya nakuratan sa pagpanaw sa iyang amigo.-ezc/NewsLine.ph
