DAKBAYAN SA DABAW (Abril 15) — Gipakanaug na sa Ombudsman Mindanao ang kamanduan nga isuspenso sa sulod sa unom ka bulan si Bansalan Mayor Quirina Sarte.
Apan, Matud ni Sarte, dili siya mokanaug, gani iyang gilakbit ang balaud sa Commission on Elections (Comelec) nga bawal mokuha ug motanggal ug empleyado sa goberno tungod sa election ban.
Sumala sa kamanduan sa Ombudsman, gilapas ni Sarte section 3 sa RA 3019 o Anti-graft and corrupt practices act ug grave misconduct.
Nagpadala na ug motion for for reconsideration si Sarte sa Ombudsman.
Molingkod isip acting mayor si Vice Mayor Edwin Reyes nga kasamtangang mag-opisina sa SB building, samtang wala pa mihawa sa iyang opisina si Mayor Sarte.-WOT/NewsLine.ph
