DAKBAYAN SA DAVAO— Gitunulan og Medalya ng Kadakilaan kon “Posthumous Award” ang namatay nga si Police Captain Roland Arnold Moralde tungod sa iyang kaisug sa iyang pagpangatungdanan nga misangko sa iyang kamatayon.
Mismong si Police BrigGen. Prexy Tanggawohn, ang regional director sa Police Regional Office sa Bangsamoro Region ang mitunol kang Cherry May Solis Moralde, asawa sa namatay nga opisyal, sa Medalya ng Kadakilaan niadtong Mayo 4, 2024 sa St. Martin de Porres, Camp BGen Salipada K Pendatun, Parang, Maguindano Del Norte.
Ang Medalya ng Kadakilaan mao ang pinakataas nga pag-ila sa PNP nga nagsimbolo sa talagsaon nga serbisyo ug sakripisyo niining maisog nga indibidwal nga labaw pa sa tawag sa katungdanan.
Nakadawat usab sila og pinansyal nga suporta gikan sa PRO BAR ug PSMBFI.
Gipamatud-an pag-usab sa PNP ang ilang pasalig sa pagpanalipod sa komunidad, ang paghatag ug Medalya ng Kadakilaan nga nagsilbing usa ka makapatandog nga pag-ila sa kaisog ug pagkadili hakog nga gipakita sa atong mga unipormadong bayani.
Sumala ni Colonel Christopher Cabugwang gidala na angpatayng lawas ni Moralde didto sa iyang residensya sa Bulan Sorsogon.-EZC
