DAKBAYAN SA DAVAO— Sa sulod 24-oras niadtong milabayng semana, Desisais (16) ka bangkong panggubat sa China ang nakita sa kadagatan sa Taiwan.
Sumala sa Island Defense Ministry sa Taiwan, usa kini ka ilhanan nga nanghasi na usab ang ruling Communist Party sa China sa Taipei.
Matud sa Taiwan, ang People’s Liberation Army Navy (PLAN) naghimo og aktibidad sulod sa 24-oras niadtong Sabado, sumad sa adlaw nga ilang nakita ang kapin usa ka dosenang eroplanong panggubat sa China didto sa Taiwan Strait, nga gikonsiderang nag-unang air defense identification zone (ADIZ) sa Taiwan.
Dinhi sa Pilipinas, nakita usab ang daghang barkong panggubat sa China niadtong milabayng mga semana.
Apan, sumala sa Chinese state-run media ang gihimo sa PLAN didto sa Taiwan usa lang ka pagbansay.
Matud sa Chinese state-run media usa lang kini ka maritime real-combat training exercise.
Hangtud karong mga orasa, wala pay opisyal nga pahayag ang liderato sa Taiwan ingon man sa China.
