DAKBAYAN SA KIDAPAWAN (Hunyo 26) — Nagkasinabot ang mga magtutudlo sa distrito nga mohatag ug mga plastic nga bangko alang sa mga estudyante sa Isidoro Lonzaga Memorial Elementary School (ILMES) didto sa Barangay Magsaysay.
Kini ang nasabutan sa mga magtutudlo human gilamoy sa kalayo ang kuarto sa Grade 4 og 5 niadtong Biernes alas kuarto (4:00) sa Hapon.
Sumala ni Romelito Flores ang Kidapawan City Schools Division Superintendent gilamoy sa usa ka oras nga kalayo ang tulunghaan, maayo na lang kay wala nay estudyante sa dihang nidilaab ang kalayo.
Sumala ni Flores, nakit-an sa mga magtutudlo ug mga estudyante nga dunay nagkipat-kipat sa una pa man nahitabo ang sunog.
Tungod niini, temporaryong himoun ang klase sa mga bata sa gym.
Ang mga eskuelahan sa distrito, mohatag ug tag-usa o duha ka plastic nga bangko aron magamit sa mga estudyante.
Sa laing bahin, padayon pang gi-imbistigahan sa otoridad ang pagkasunog sa maong tulunghaan.-CACS/NewsLine.ph
