NewsLine Philippines

Building Information Highway for the Community

Mga giya sa travel sa Davao Region atol sa GCQ sumala sa DILG

by

DAKBAYAN SA DABAW-– Gilatid ni Department of Interior and Local Government (DILG) regional director Alex Roldan ang mga palisiya nga angayan sundon sa panahon sa General Community Quarantine (GCQ) sa rehiyon onse.

Si Roldan nga mibitisita sa checkpoint sa Covid-19 checkpoint sa Panabo City kaganinang buntag nagbutyag nga dunay mga mapalaud nga wala masabti, hinungdan nga daghan ang mi-reklamo.

Sa mga residente sa Davao Region (Davao City, Davao del Sur, Davao del Norte, Davao de Oro, Davao Occidental ug Davao Oriental) mao kini ang nasabutan ni Roldan og PNP XI Director Gen. Filmore Escobal nga angay himoun atol sa GCQ.

(Kini ang aktual nga pamahayag ni Roldan sa interview sa Newsline) :

  • WORKERS: Ang trabahante gikan Davao City to Del Norte or Davao del Norte to Davao ug sa laing lugar sa Davao region-ipakita lang nila ilang ID ug i-logbook lang ilang kaugalingon, taga diin, para ma-monitor kinsa ang ni-agi unya diritso na;
  • TRAVELLERS: among gi-emphasize nga ang motabok basta dili ang for leisure -okay na. Ang pag-travel sa Davao Region- ID lang, basta dili leisure;
  • MEDICAL PURPOSES: Walay problema..tanan emergency respetado na.
  • CRISS-CROSSING WORKERS: Ang ID lang ilang ipakita nga nagtrabaho sila sa mga nahisgutang lugar sa Davao REGION;
  • LOCALLY STRANDED: ang locally stranded DILI kailangan ug travel authority kung stranded sya kung within region (Davao Region). Kadtong medical certificate gikan sa BERTH nga gihatag mao na to- kadtong naigo sa lockdown–so, okay na to sya mao na among sabot ni PNP XI Director Filmore Escobal-nag agree na mi ana;
  • TRAVELLING FROM OTHER REGION: Ang katong gikan sa other regions–nga moadto sa other region-basin diii mo dawaton kay walay travel authority-maong magdala sila aron madali ang proseso.
  • CARGO : Dapat un-impeded (Dili mabara).

Sumala ni Roldan gipanghimakak usab sa pipila ka lokalidad nga hugot ra kaayo ang ilang pallisiya sa GCQ.

“Posible nga dunay misinterpretation ang mga enforcers sa ground maong wala nagkadimao ang pag-implementar sa mga kamanduan,” Dugang sa director.

Tanang probinsya sa rehiyon XI ipailawon na sa Modified General Community Quarantine (MGCQ) sugod karong Hunyo 15, apan ang dakbayan sa Dabaw ipailawoom gihapon sa GCQ.-Newsline