DAKBAYAN SA DAVAO — Patay sa bunal atul sa gihimong initiation rites ilawom sa usa ka fraternity group sa may upper mandug, davao city alas dos sa hapon kaniadtong sept. 18, 2022 si august ceazar saplot, 19 anyos nga criminoloy student sa university of mindanao main campus.
Samtang luwas ang usa pa ka kauban niini nga 18-anyos. Sa report davao city police office, sa akrho alpha delta chapter fraternity si saplot.
Daling nakpadan ang pipila sa mga suspek nga nalambigit sa insidente sa hazing nga sagad mga 4th year student sa college of criminal justice education. Napasakaan na og kaso ang pipila sa mga responsable sa krimen samtang gawasnon pa hangtud karon ang uban niini.
Sa pamahayag nga gipagawas sa unibersidad, gi-angkon niini nga ilang mga estudyante ang nalambigit sa hazing. Gikondina sa um ang maong panghitabo.
Giklaro usab sa unibersidad nga hugtanon nila’ng ginadili ang bisan unsang fraternity, subay sa republic act 8049 kon ang anti-hazing law ug dili matod pa nila gina-tolerate ang hazing ug bisan unsag karahasan. Ug wala giila sa eskwelahan ang nahisgutang fraternity.
Gipanaad sa kapulisan nga ilang padayong gukdon aron masilutan ang ubang gawasnon ng mga suspek.
Sa Davao del Sur, nabulabog ang mga residente sa purok mangga landing, barangay darong, sta cruz, davao del sur niadtong nobyembre 11, 2022 sa buntag dihang nakaplagang patay sulod sa ilang kwarto ang mag-igsoong sila marie nga 15-anyos ug inday onse anyos.
Suspek sa linuog nga krimen ang ilang ama-ama kon stepfather nga si Jessie Bon Palomo, 33 anyos, taga Pigcawayan, North Cotabato nga uyab sa ilang inahan nga nga si Denisa.
Nagkauyab si Denisa ug si Palomo sa Facebook, ug iyang gipiyal ang iyang mga anak sa lalaki nga iyang nailhan sa social media ug wala pa gani sila nagkita sa persona.
Nahitabo ang krimen kaadlawon niadtong nobyembre 11 samtang tua pa sa laing nasud ang inahan sa mga bata. Daling na-aresto si palomo didto sa iyang probinsya human gikasa sa mga otoridad ang hot pursuit operation batok niya.
Sa imbestigasyon sa sSta, Cruz municipal police station, dunay mga samad ang kinatawo sa duha ka mga batang biktima ug dunay samad ang ilang sampot, nga indikasyon nga posibleng dunay nahitabong sekswal nga pagpangabuso.
NGipasakahan na og duha ka kasong murder si Palomo, ug ang result a sa autopsy gihatag na usab sa korte.
Matud ni Polcie Lt. Colonel Kristopher Sabsal, ang commander sa Sta Cruz PNP, gikonsiderang sirado na ang kaso tungod kay napriso ug napasakahan na og kaso ang suspek nga si Palomo.
Dinhi sa dakbayan sa Davao, gipatay si Paul John Dizon Ferrarin niadtong Agosto 11, 2022, samtang nagsakay sa pampasaheroang jeep sa piapi boulevard, brgy. 25-c, davao city.
Kuyog sa biktima ang iyang live-in partner ug inahan sakay sa jeep dihang nahitabo ang krimen. Subay sa report sa Sta. Ana Police station, gitaparan sa armadong mga suspek nga nakamotrsiklo ang jeep nga gisakyan sa biktima dayon gipusil sa likod sa makadagahang higayon.
Daling misibat ang mga suspetsado sa wala na matinong direksyon.
Daling gidala sa souhtnern philippines medical center si ferraren apan gideklarang dead on arrival. Tulo ka mga basiyo sa bala nga iya sa 9mm ang nakuha sa crime scene.
Sumala ni plt. Col. Ronald Lao, ang commander sa sta. Police Station, dunay rekord sa ilang istasyon ang biktima sama sa pagpangawat.
Samtang, patay atul sa drug buy bust operation sa mga otoridad sapurok 4, barangay 23-c, Davao City ang usa ka John Archie Araula nga residente sa prk 12, st. John, brgy 76-a, bucana niadtong bulan sa Oktubre 2022.
Subay sa report, misukol ang suspek samtang gihimong ang operasyon batok kaniya dihang nakamatikod kini nga pulis diay ang iyang katransakyon. Nakuha gikan sa posisyon ni john archie usa ka putos sa gituohang sahbu balor singko mil pesos, kwarta nga gigamit sa transakyon, sling bag nga duna pay sulod nga 2 ka sachet sa shabu ug punto 45 nga pistola.
Dead on arrival sa ospital ang suspek.
Dunay warrant of arrest ang suspek sa kasong kawat ug gikonsiderang top 1 station level high valued individual,
Ug una nahuman ang tuig 2022, gipusil-patay niadtong miyerkules sa gabii Disyembre 28, ang model ug negosyanteng si Yvonette Plaza, 38 anyos didto sa purok 18, Buttercup Corner Bluebell streets, Green Meadows Subdivision, Barangay Sto. Niño, tugbok district, Davao City.
Giila ang biktima nga si yvonette plaza, 38 anyos, ug base sa iyang passport, residente kini sa kalamansig sultan kudarat.
Migawas sa imbestigasyon, padulong na moabli sa gate sa gi-arkilahang balay si Plaza dihang kalit kining giduol sa wala mailhing armado ug gipusil sa likod.
Personal nga kasuko ang usa sa mga motibo nga ginasubay sa kapulisan sa pagpusil-patay kang Plaza.
Nakapangayo pa og tabang ang biktima ayha kini nawad-an sa iyang panimuot.
Matud sa Davao City Police Office, usa ka samad pinusilan sa lawas ang nahiagoman sa biktima ug nawala sab ang bag ug cellphone niini.
Gipalawman pa sa kapulisan ang ilang imbestigasyon aron mailhan ang suspek.
Duna nay kopya sa cctv footage sa crime scene ang otoridad nga daku’g ikatabang sa ilang gihimong imbestigasyon sa kaso.
Wala pay gipagawas nga pahayag ang pamilya sa nailong biktima.
