DAKBAYAN SA DABAW (Septembre 13) — Pormal ng gi-anunsyo sa Department of Transportation (DOTr) kaganinang buntag, nga ilang tanggalon sa listahan ang mga operator og drayber sa pambublikong sakyanan nga nanikas sa ilang Pantawid Pasada Card.
Matud pa ni DOTr Assistant Secretary Mark de Leon, ang Pantawid Pasada card gamiton lang aron pangtubil sa mga sakyanan, apan ilang nahibaw-an nga daghang operator ang nagbinuang, pinaagi sa pag-widro sa kuarta sa banko, ug kini lapas sa ilang katuyuan.
“Amo lang gipabihalo nga sunod tuig mokabat sa P5,000 ang among ihatag nga hinabang, apan, dili na namu iapil ang mga nagbinuang sa ilang Pantawid Card, kay amo na silang tanggalon sa listahan” matud pa ni de Leon.
Ubos niining Pantawid program, tagaan sa goberno ug suborno ang mga tag-iya ug sakyanan, ug kini ilang ihatag sa ilang mga drayber isip pangbayad sa ilang itubil sa mga gasolinahan, ug ipalit ug mga grasa sa ilang sakyanan.
Sa maong programa, tagaan sa goberno ug tag PHP5,000, ang mokabat sa 179,000 ka operator sa jeep sa tibouk kapupud-an, kini basi sa listahan sa Land Transportation Franchising and Regulatory Board (LTFRB), ug ang kuarta ihulog sa Land Bank of the Philippines.
Matud pa ni LTFRB Chairman Martin Delgra, nalipay ang mga operator sa suporta sa goberno ug nakatabang kini sa ilang kalisod, tungod sa pagtaas sa presyo sa lana.-Harold V. Pontongan/NewsLine.ph.
