DAKBAYAN SA DAVAO — Dili usa pahawaon sa ilang mga puesto ang miembro sa Socorro Bayanihan Services Inc. samtang padayon pang giimbistigahan ang ilang paglapas sa balaud nga unod sa ilang gipirmahan nga Protected Area Community-Based Resource Management Agreement (PACBRMA).
Atol sa budget hearing kaganihang buntag, gisaysay ni Environment Secretary Toni Yulo-Loyzaga, nga walay kapuy-an ang mga miembro sa SBSI, sa kalit nga pagkansela sa gobierno sa 353 ka hektaryang protected area didto sa Socorro, Surigao del Norte.
Sumala ni Secretary Loyzaga, gikansela sa DENR ang kasabutan tali sa SBSI tungod kay daghan kinig nalapas nga probisyon sa ilang gipirmahan nga (PACBRMA). Kagabii laang gitunol sa DENR ang papeles nga mikansela sa ilang kasabutan.
SUmala ni Loyzaga, nakig-alayon na sila kang DILG Secretary Benhur Abalos, Department of Justice Secretary Remulla, ug DSWD Secretary Rex Gatchalian alang sa hiniusang pag-imbistiga sa nahisgutang problema sa Socorro.
Gisuspenso na sa DENR ang kasabutan sa yuta nga gi-okupar sa Socorro Bayanihan group didto sa Sitio Kapihan.
Sumala ni Loyzaga, ilang hisgutan sa ilang pulong ang pagkulukar sa 3,000 ka mga miembro sa SBSI.
Gikuestyon ni Senador Risa Hontiveros ang DENR nganongn dugay silang mi-aksyon sa probem sa Socorro nga dunay ng gilapas sa SBSI ang balaud sa kinaiyahan.
“Kung umaksyon sa tamang degree at mas timely ang regional office, baka hindi na grumabe ang sitwasyon doon. Nagkaroon ng humanitarian problems doon lalo na sa mga bata,” saysay ni Hontiveros .
Apan, midepensa si DENR Region 13 Director Nonito Tamayo, iyang gisaysay nga gi-oktaba sa iyang buhatan ang pagsuspenso niadtong tuig 2019 tungod sa pandemya ug nagsunod ang trahedya sa bagyong Odette ug sa linog.
Ang mga kalapasan nga gipunting sa DENR mao ang pagbutang sa Bayanihan og checkpoint sa protected area, paghimo og pagbansay sa mga sibilyan nga mura na og sundalo ug ang pagbawal sa pagpasulod og mga tawo sa lugar.
