DAKBAYAN SA DAVAO—Nagmalampuson ang pagtesting sa bag-ong Spike-ER Missile didto sa Salkulakit Island didto sa Basilan Proviince niadtong Oktobre 28, 2021.
Kini ang gipahayag sa Naval Forces Western Mindanao (NFWM), Philippine Navy dili pa lang dugay.Naigo sa missile nga gipabuto ang usa ka patrol boat ang target sa distansya nga gibutang upat ka kilometro ang gilay-on.
Matod pa sa Public Affairs Office sa NFWM, ang kining missile test parte kini sa 5 ka adlaw nga pagbansay sa mga personahe sa Philippine Navy o ang Exercise Pagsisikap 2021 nga ang tumong ani na mo-taas ang kalidad sa ilang trabaho isip mga personahe sa Philippine Navy.
Pinaka-una nga missile sa Philippine Navy ang Spike ER Missile nga pwede maka-penetrate sa 1,000 mm sa armor. Usa ni ka flexible missile system nga maka-target sa iyang maximum nga distansya sa 8 ka kilometro. Ikaduha ni nga higayon sa Philippine Navy na magamit ang Spike-ER missile og matest kini sukad sa iyang pag-abot tong 2018.
Apan mao ni ang unang higayon nga na-test kini diri sa Basilan sa iyang live firing exercise.
