DAKBAYAN SA GENERAL SANTOS — – Tulo ka tawo ang namatay samtang isa ang naangol human nahulog sa bakilid ang ilang motor nga gisakyan niadtong Domingo sa hapon, Agosto 25.
Mga alas 2:00 sa hapon niadtong Domingo, Nagbiahe ang mga biktima sa bakilid nga kurbada sa Sitio Datal sa Barangay San Jose ning dakbayan sa dihang nawad-an ug kontrol ang drayber sa iyang motor nga miresulta sa pagkahagbong niini sa pangpang, hinungdan sa hinanaling kamatayon sa mga biktima.
Sumala sa taho sa Philippine News Agency, gibutyag ni Major Yol Hilado, ang deputy chief sa traffic management unit (TMU) ning dakbayan “Pagkurbada sa motor duol sa may tuloy, nilahos kini ug nahulog sa gibana banang 20 feet nga bangin, nakadugang sa sitwasyon ang basa nga karsada.”
Giila ni Hilado ang mga biktima nga sila si Joseph Salawa (drayber) ug iyang mga pasahero nga sila si Min Flang og Adrian Andrian Salawa.
Samtang ang ika-upat nga pasaherong bata, kritikal ang kondisyon sa Dr. Jorge P. Royeca Hospital ning dakbayan..
Gitabangan pa sa mga nakakita ang mga biktima , apan, wala na kini masalbar. Ang mga biktima molupyo sa Purok Blala sa Datal Salvan.-NewsLIne.ph
