Napulo ka balay apektado sa sunog

DAKBAYAN SA DAVAO –— Kalit miulbo ang sunog sa alley 9, south san juan, barangay Centro Agdao ning dakbayan pasado alas 9, martes sa buntag Enero 28.

Sa inisyal nga datus, anaa sa napulo ka pamilya ang apektado sa sunog.

Wala hinuoy natala nga dunay naangin nga kinabuhi atul sa insidente. Mipasalig ang barangay nga tabangan ang mga nasunogan.

Nagpahigayon na sab og assessment ug validation ang city social welfare and development office aron masuta kung pila gyud ka mga balay ug pamilya ang apektado sa sunog.

Ginasubay pa sa bureau of fire protection ang sinugdanan sa kalayo.

Samtang, nasunog sab ang pipila ka mga balay sa barangay Dumoy, Davao city karong hapon Enero 28.

Nahitaboi ang sunog sa Farland extension sa dumoy duol sa dumoy national high school nahitabo ang sunog pasado alas 2 sa hapon.

Nag-iyahay og salbar sa ilang mga gamit ang mga residente. Daling miresponde ang mga bombero ug fire volunteers sa lugar.

Giimbestigahan pa sa bureau of fire protection ang nahitabo sunog aron masuta ang sinugdanan sa kalayo.