DAKBAYAN SA DAVAO—Pormal nang giabrihan sa publiko ang satellite office ang National Bureau of Investigation didto sa probinsya sa Dinagat Islands niadtong Lunes, Marso 18.
Ang bag-ong satellite office nahimutang sa lungsod sa San Jose.
Sa balita nga gipagawas sa Philippine News Agency, gisaysay niini nga gikalipay ni Gobernador Nilo Demerey Jr. ang pagbutang sa opisina sa lugar aron maserbisyohan ang katawhan ug dili kinahanglan nga mobiyahe ngadto sa mainland Mindanao.
.Sumala ni Gobernador Demerey Jr, ang pagbukas sa buhatan daku og epekto sa katawhan sa isla.
Matod ni Demerey ang satellite office motanyag sa mga residente sa Dinagat og nagkalain-laing serbisyo, sama sa clearance processing, document verification ug uban pang lambigit nga transaksyon.
Ang pag-abli sa satellite office, dugang niya, nagpasiugda sa pasalig sa gobyerno nga ipaduol ang mga importanteng serbisyo ngadto sa katawhan.
