DAKBAYAN SA DABAW (Pebrero 19) —— Patay ang negosyanteng si Rolando Esmaya, 53, human kini gi-ambush sa wala pa mailhing mga suspetsado niadtong Sabado, Pebrero 15, didto sa Feeder Road 6, Tibal-og Sto, Tomas, Davao del Norte.
Samtang ang iyang eskort nga si SSgt Chyrelito Datu, sakop sa 10MIB sa 10th ID sa Philippine Army nsaikop sa kapulisan, tungod sa paglapas sa Comelec gunban.
Gitusak-tusak sa mga bala ang sakyanan ni Esmaya.
Si Esmiya, nanag-iya ug dagkung luna sa kasagingnan sa maong lugar.
Sumala pa ni Police Senior Superintendent Ferlu Silvio, Provincial Director sa Davao del Norte, gipasaka na ang kaso batok kang Datu, kahapon didto sa korte sa Dakbayan sa Tagum.
Midugang si Silvio nga padayon nilang gi-imbistigahan ang kaso ni Esmaya, aron mailhan ang mga suspetsado ug aron masuta ang motibo sa iyang kamatayon.-jap/
