DAKBAYAN SA DABAW (September 7) — Gipaniguro karon sa national Food Authority (NFA) nga bastante ang ilang bugas ug ibaligya kini sa P27 hangtud P31 ang kilo, aron naay mapalitan ang mga kunsomidor ug baratong bugas.
Sapagkakaron, nag-apud apod na ang NFA ug bugas pinaagi sa 15,892 mga tindahan ang ilang gitagaan ug pagtugot nga mamaligya, sama sa Bigasan sa Palengke, Bigasan Bayan, Barangay Bagsakan/Barangay Food Terminal, Bigasan sa Parokya, gagmang tindahan og sa Tagpuan Rice Response Delivery (TRRD) sa nagkadaiyang barangay.
Sumala sa NFA, mokabat na sa 4,443 ka sako sa bugas ang ilang nakahatag sukad Enero Hangtud Agosto 23 ning tuig.
Sa ilang meeting niadtong Martes, Septembre 4, nagkasinabot ug giaprobahan sa miembro sa NFA Council, nga modugang ug angkat ug bigas ang nasud, nga mokabat sa 250,00 ka metroko tolinada aron matubag ang panginahanglan sa bugas sa nasud.
Niadtong Agosto 29, gi-aprobahan usab sa NFA Council ang pag-angkat ug 133,500 Metriko tolenadang bugas aron kuno i-apud apod sa Zamboanga, Basilan, Sulu og Tawi-Tawi (ZAMBASULTA) aron matubag ang grabeng pagsaka sa presyo sa bugas.-Harold V. Pontongan/NewsLine.ph
