DAKBAYAN SA DABAW — Human gihimo ang dungan nga pagtesting sa QR Code system niadtong Lunes, Agosto 17, gipatuman na sa probinsya sa Davao del Norte ang -No QR Code, No transaction”.
Ang QR Code usa ka systema kung diin mabutang sa computer sa probinsya ang mga misulod sa pampublikong buhatan, aron kung pananglitan adunay mosulod ang usa positibo sa coronavirus-19, dali kining matukoy panahon sa contact tracing.
Unang gi-implimentar ang maong systema sa mga patigayon sa Panabo sama sa Gaisano Mall, Tagum Cooperative, Rivera Medical Hospital, ug Dr. Lau Medical Clinic.
Gipasabot ni City Administrator Pedrito Misoles nga ang mga QR Code holders na magdala og Valid ID aron masiguro nga siya gyud ang nanag-iya sa QR Code.
Gipahibalo sa probinsyal nga panggamhanan sa Davao del Norte nga gikinahangalan dunay QR Code ang mga tawo sa ilang probinsya.
Aron marehistro ug makakuha sa QR Code mamahimong mobisita sa One DavNor facebook page.-Winkle Mae M. Tabuclao /Newsline.ph
