Ang akusadong si Apollo Carreon Quiboloy.-PNP photo
DAKBAYAN SA DAVAO, Pilipinas —“Not Guilty” ang tubag sa akusado nga si Apollo Quiboloy sa krimen nga trafficking sa dihang gibasahan kini sa korte sa iyang kaso kaganina, Biyernes, Septiyembre 13.
Si Quiboloy, nga anaa sa kustodiya sa Philippine National Police. miabot sa Pasig City Regional Trial Court (RTC) Branch 159 sa wala pa miabot ang alas 8 sa buntag alang sa iyang arraignment.
Gikonpirma ni Israelito Torreon, sa mga tigbalita nga not guilty ug tubag ni Quiboloy sa iyang kaso.
Tungod kay mitubag siya og “Not Guilty” nagpadayon ang pre-trial conference karong mga taknaa.
Mipakita si Quiboloy sa korte kabahin sa kasong human trafficking.
Sa korte sa Pasig, nag-atubang si Quiboloy ug lima pa niini ka kauban nga sila si Jackielyn Roy, Sylvia Cemañes, Cresente, Paulene, ug Ingrid Canada.
Gi-akusahan si Quiboloy ug ang mga kauban niini og kasong trafficking. Ubos sa Republic Act 9208 o ang Anti-Trafficking in Persons Act of 2003, walay piansa nga gitakda ang balaud kabahin sa maong kaso.
Edith Z Caduaya studied Bachelor of Science in Development Communication at the University of Southern Mindanao.
The chairperson of Mindanao Independent Press Council (MIPC) Inc.
