MUNISIPYO SA KIBLAWAN, Mindanao— Patay ang usa ka Most Wanted og notadong myembro sa bandidong B’laan, human na engkwentro ang mga sakop sa Kiblawan Municipal Police Station Wayuk ug Dracula Squad, niadtong Abril 6, 2018 sa Barangay Tacul Kiblawan Davao Del Sur.
Ang giingong Most wanted nga dunay tulo ka mga warrant of arrest, nailhang usa ka Ariel Saluntay, samtang patay usab ang duha ka mga kauban niini nga wa pa mailhi.
Naka engkwentro sa kapulisan ng mga bandido samtang nagpahigayon sila ug imbestigasyon sa barangay Tacul, may kalabutan sa insidente sa pagpaarak sa panimalay sa pamilyang Pandoy nga gikamatay sa usa ka singko anyos nga bata.
Alas 6:35 sa gabie niadtong Abril 5, 2018 sa dihang gipaarakan ang panimalay ni Alan Pandoy sa wa mailhing mga suspek gamit ang homemade shotgun.
Diin gikamatay sa usa ka singko anyos nga si John John Pandoy samtang samdan ang laing singko anyos nga bata nga si Realyn P Guitguit nga gidala sa Gregorio Matas Hospital.
Ning kasamtangan padayon pang gina imbestigahan ug kinsa ang responsable.-Rey Nuñez/Newsline.ph
