DAKBAYAN SA DABAW (Nobembre 24)— Nadakpan sa mga membro sa Criminal Investigation and Detection Group (CIDG) ang tulo ka notadong nga hold-uper niadtong Mierkules Nobembre21.
Giila sa CIDG ang mga nadakpan nga sila si Santos Culimbang Saiwan, 53; Robert Mandahay Tomas, 34; og Ryan Ongcas Ambin, 28. Pulos residente sa Barangay Marilog, ning dakbayan.
Gi-ambakan sa mga operatiba sa CIDG, kuyog ang mga membro sa local nga kapulisan, ang ilang pinuy-anan, human mireklamo ang usa ka babaye nga nailad sa ilang gibaligyang peke nga ‘gold bar’.
Sumala ni Chief Inspector Milgrace Driz, CIDG-Davao unit head, ilang gi-aksyunan ang reklamo ni Chome Maer Merlita nga taga Taytay, Rizal.
Gibutyag ni Driz nga na si Saiwan, Mandahay og Ambin mga membro sa kriminal nga grupo sa nagalihuk sa Davao del Sur.
Atol sa pag-pangronda, nakuha sa kapulisan ang mga pekeng bareta sa bulawan ug mga pusil ug bala, sa ilang gitaguang balay.-Harold Pontongan/NewsLine.ph