DAKBAYAN SA DAVAO-–Pormal ng nag alyansa ang Nationalist People’s Coalition sa Partido Federal ng Pilipinas ni Presidente Ferdinand Marcos alang sa 2025 midterm elections.
Kini human nasilyohan ang ilang kasabutan sa papirma sa mga dokumento niadtong Sabado sa gabii, Mayo 18.
Sumala ni kanhi Senador Vicente Sotto, ang presidente sa NPC, ang ilang pag alyan sa PFP tubag sa panawagan sa partido sa Presidente nga mag-usa na sila alang sa kaayuhan sa katawhan.
Gisaksihan ni Marcos Jr. ang pagpirma sa kasabutan nga mal alyansa na ang PFP ug NPC.
Sa iyang mensahe, giawhag ni PBBM ang mga miyembro sa partido nga lig-onon ang pagdumala sa partido aron moasenso ang kinabuhi sa mga Pilipino. Gipasabot sa Presidente ang kamahinungdanon sa pagsalig sa publiko ug hiniusang aksyon alang sa kolektibong pag-uswag sa tanan.
Niadtong tuig 2022, dunay mga miembro sa NPC nga kag-alyansa sa Uniteam ug niadtong Sabado sa gabii pormal nang nakig-alyansa sa NPC sa Partido Federal.
“Sa kasaysayan, ang NPC kanunay kining nagsuporta sa napiling Presidente tungod kay kami kanunay nakighiusa sa mga napiling lideres sa nasud ug karon among gituman ang panawagan sa PFP nga mag-alyansa na kami,” saysay ni Sotto.
Tungod sa bag-ong alyansa mas midaku na ang grupo ni Marcos tungod kay una na kining nakig alyansa sa Lakas-CMD n House Speaker martin Romualdez.
Nagtuo si Sotto nga ang ilang pagsampa sa PFP makapalambo sa kooperasyon ug lig-on nga suporta kang marcos Jr. tungod kay mokabat na sa 4,000 ka miembro ang partido, diin 1,910 ang mga kasamtangang naglingkod sa posisyon,
Ang NPC adunay lima ka puwesto sa Senado ug 38 ka miembro sa Kongreso.
Sa bag-ong alyansa wala maapil Hugpong ng Pagbabago ni Bise Presidente Sara Duterte, nga nahimong kabahin sa UniTeam niadtong 2022 national eleksyon ug wala sab giapil ang Partido Demokratiko Pilipino ni kanhi Presidente Rodrigo Duterte.
Ang Lakas-CMD ni House Speaker Martin Romualdez una nang nakig alyansa sa PFP niadtong milabayng semana.
