DAKBAYAN SA ZAMBOANGA — SIKOP ang opisyal sa Land Transportation Office (LTO) ug duha niini ka kauban sa gihimong buy-bust operations sulod sa usa ka hotel niadtong Biernes sa gabii.
Giila ni Police Capt. Edwin Duco, tigpamaba sa Zamboanga City Police Office (ZCPO) ang nadakpang opisyal nga si Abdulrauf Mutin, 40, operations officer sa LTO nga na distino sa Ecozone; usa ka Saudie Hairul, 42, LTO volunteer; ug Gairel Tacurian, 38, negosyante.
Nasikop ang grupo ni Mutin samtang nag pot session sulod sa kuarto sa usa ka buy-bust operation sulod sa usa ka hotel didto sa La Purisima Street, Barangay Zone 3, alas 6:40 sa gabii.
Nakuhaan usab ug suspetsadong ‘shabu’ ug mga gamit sa ilegal nga druga ang grupo ni Mutin,
Mag-atubang sa kasong paglapas sa Sections 5, 11, aug 13 of Republic Act 9165, o the Comprehensive Dangerous Drugs Act of 2002, ang mga suspetsado.- Maybelen Perez
