DAKBAYAN SA DABAW (Enero 17) — GIdakop sa membro sa Calinan Police Station ang barangay Kagawad sa Magpet, North Cotabato nga si Analiza Arquiliano ug ang bana niini nga si George Arquillano human nakuhaan ug mga pusil ug armas , bala ug explosibo atol sa pag-agi nila sa Task Force Davao checkpoint sa Barangay Lacson ning dakbayan niadtong Martes Enero 15.
Ang magti-ayon nga gi-ubanan ug duha nila ka amigo nga sila si Reynan Adame ig su Arnel Repollo, mi hunong sa checkpoint bandang alas 10:00 sa buntag paingon sa Davao City International Airport  sa dihang gihimo ang inspeksyon ug nakita sa mga membro sa TF Davao ang mga armas og eksplosibo.
Narecover sa ilang sakyanan ang duha ka hand grenade, usa ka .45 kalibre nga pistola nga dunay mga bala ug lima ka mga magazine, usa ka 9mm pistol nga dunay 64 ka mga bala ug duha ka magazine ug usa kalibre 30mm M2 carbine nga dunay 99 ka mga bala ug lima ka mga short magazine ug usa ka long magazine.
Walay napakitang mga papilis sa ilang mga armas ug explosibo ang upat ug wala pud silay gun band exemption gikan sa Commission on Elections (Comelec) maung gisikop sila sa mga otoridad.
Kasong paglapas sa RA 10591 or Illegal possession of fire arms ug paglapas sa Comelec gunban ang atubangon sa mga suspitsado. –Reeya Nuñez/NewsLine.ph
