DAKBAYAN SA DABAW—– GIAWHAG sa Department of Health ang mga nabakunahan na batok sa COVID-19 nga moapil sa Bakunado Panalo raffle kay posible nga makadaog og P1 M sa grand draw sa Disyembre 10, 2021.
Sumala ni Health Undersecretary Maria Rosario Vergeire nga niadtong nakalabay nga semana lang gilusad ang pa-raffle para sa mga bakunado kung diin anaa sa 200,000 na ang misalmot.
“Magandang balita po ito. Tayo po ay nag-launch nito lang linggong ito at ngayon 200,000 na po ang sumali dito sa ating raffle para sa mga bakunado,” pahayag ni Vergeire.
Gidugang ni Vergeire nga gidahuman nga moabot sa us aka milyon ang moapil diin adunay ipanghatag nga P 1 M sa grand draw.
Alang sa Oktubre ug Nobyembre adunay 50 nga modaog og tag P5,000 samtang sa sa grand draw sa Disyembre adunay modaog og P100,000, P500,000 ug P1 milyon.
Sa mga gustong mosalmot, kinahanglan lang nga magparehistro pinaagi sa text Resbakuna.reg space ug ibutang ang pipila ka detalye sa number nga 8933.
